УУХҮЯ-ны дэд сайд Д.Загджав Оюу Толгойн үйл ажиллагааг зогсооно гэсэн ярилцлага өгч түүний хариуг нь Баабар "Заагаагийн дүү нь тээврийн компанитай  юм гэнэ. ОТ тендерийг шууд авах гээд жил хөөцөлдөж. Цаадуул нь ОТ тендер Эрдэнэтийнхтэй адилгүй, жинхэнээсээ шалгаруулалт болдог гэж. Мэдээж Заагаа тендерт ороод унаж. Тиймээс одоо ОТ-г хаая гэсэн санал ЗГ-т оруулж буй" гэж барив. Үнэхээр ч Оюу Толгойнхон Загджав тендерт ороод унасан гэдгийг хальт батлаад амжсан. 

Загджавын мэдэгдэл хийгээд удаагүй байхад салбарын сайд нь ярилцлага өгч хариуцлага тооцно гэдгээ ч илэрхийлсэн. Сошиалаар Загджав гэнэт л зөв ярьж байгаа мэт харагдуулж баахан төлбөртэй мэдээ цацав. Салбарын сайд Д.Сумьяабазар гадаадад айлчлахаар явав уу үгүй нөгөө Загджав дахиад амь орж өнөөдөр бэлдсэн мэдэгдлээ хэвлэлийнхэнд уншиж танилцуулав. 

Улс төрийнхөн болохоор хоёр том хүний хоорондын тулаан өрнөж Загджав дунд нь хавчуулагдаж золионд явж байгаа ч гэж ярив. Үнэхээр ч нэгэн цагт Хан-Уул дүүрэгт казино байгуулж чухам улсын төсвийг казиногийн мөнгөөр аривжуулан баяжуулна гэж ярьж байсан хүн гэнэт эх оронч сэтгэл гаргаж байгаа гэдэгт иргэд бас эргэлзээстэй. Өнөөдрийн хэвлэлийн хурлаар харин түүний нэг гэнэ алдсан зүйл нь шатахууны үнэ нэмсэнийг мэдээгүй гэсэн нь эргээд хүмүүсийг гайхшруулсан юм. Бүхэл бүтэн үнийн зөвлөлийн дарга байж ийм мэдрэмжгүй байгаа нь түүнийг мөн л Оюу Толгойгоос авлагатай юм шиг дайрахаар бэлтгэхдээ хамаг анхаарлаа хандуулж, нөгөө эрх ашгийг нь хамгаалаад байгаа жирийн ард иргэдийг үл тоомсорлосон хэрэг болж буй. 

Мэдэгдлийг ЭНД  дарж үзнэ үү.